Και ντ’ έπαθες μικρόν αρνί μ’

Προβολή Τραγουδιού

Καλλιτέχνες: Γιώργος Σοφιανίδης, Στάθης Παρχαρίδης

Τα στράτας ντ’ επορπάτ’ναμε,
όλια ’κόπαν γιαρόπα
[Αχ!] Θα λάσκουμαι και χτίζ’ ατα,
αρνί μ’, καλντουρουμόπα

Και ντ’ έπαθες αρνόπο μου
και κορδυλιά͜εις τ’ οφρύδι σ’;
Εγώ πασ̌κείμ’ ντ’ εσκότωσα
τη μάνα σ’ γιά τον κύρη σ’;

Τ’ εμόν η ψ̌η κι ο θάνατον,
αρνί μ’, σ’ εσά τα χ̌έρι͜α
[Αχ!] Αν θέλτς με τ’ αγγέλτς έπαρ’ το,
αν θέλτς με τα μαχ̌αίρι͜α

Γλωσσάρι

Κείμενο	Επεξήγηση	Ετυμ. Ρίζα
αγγέλτς	αγγέλους
αρνόπο	αρνάκι, χαϊδευτική προσφώνηση γυναίκας
ατα	αυτά
γιά	είτε, ή	ya/yā
γιαρόπα	ρωγμές, σχίσματα, γκρεμοί	yar
εμόν	δικός/ή/ό μου	ἐμοῦ
έπαρ’	(προστ.) πάρε
επορπάτ’ναμε	περπατούσαμε
εσά	δικά σου/σας
θάνατον	θάνατος
θέλτς	θέλεις
καλντουρουμόπα	λιθόστρωτα δρομάκια	kaldırım
’κόπαν	(εκόπαν) κόπηκαν
κορδυλιά͜εις	κάνεις κόμπο, περιπλέκεις, μτφ. συνοφρυώνεσαι (μπλέκεις τα φρύδια σου)	κορδύλη (=ρόπαλο, εξόγκωμα)
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
όλια	όλα
πασ̌κείμ’	μήπως, μήπως (και)	πᾶς καί ἔνι
στράτας	(ονομ.) δρόμοι, (αιτ.) δρόμους
ψ̌η	ψυχή