Επέρανε τ’ οσπίτια τουν

Προβολή Τραγουδιού

Θα αρχινώ να τραγωδώ
Πορτοραζί’ καϊτέδες
Ατά όντες ακούγ’ν’ ατα,
κλαίγ’νε τα κεμεντζ̌έδες

Επέρανε τ’ οσπίτι͜α τουν,
τον Πόντον, την πατρίδαν
και -ν- έρθανε σο Πορτοράζ
μ’ έναν τρανόν ελπίδαν

Πως κάποτε σα μέρι͜α τουν
πάλι οπίσ’ θα κλώσκουν
να ελέπ’νε τα χωρία τουν,
τα πρόβατα ντο βόσκουν

Γλωσσάρι

Κείμενο	Επεξήγηση	Ετυμ. Ρίζα
ακούγ’ν’	ακούνε
ατά	αυτά
ατα	αυτά
βόσκουν	βοσκάνε
ελέπ’νε	βλέπουνε
επέρανε	πήραν
έρθανε	ήρθαν
καϊτέδες	μελωδίες, μουσικές συνθέσεις, μουσικοί σκοποί	kayde
κεμεντζ̌έδες	λύρες	kemençe/kemānçe
κλαίγ’νε	κλαίνε
κλώσκουν	γυρίζουν, επιστρέφουν
μέρι͜α	μέρη
όντες	όταν
οπίσ’	πίσω
οσπίτι͜α	σπίτια	hospitium<hospes
τουν	τους
τραγωδώ	τραγουδάω
χωρία	χωριά