Αν εξέρ’να

Προβολή Τραγουδιού

Καλλιτέχνες: Θανάσης Στυλίδης, Σοφία Παπάζογλου

Αν εξέρ’να, μικρόν αρνί μ’,
ντο αγαπάς με ολίγον
σην χαμονήν θα εστείλνα το
όλιον τ’ εμόν τον βίον

Πώς να ευρήκω το μιγκίν
να φέρω σε σο γιάνι μ’;
Μανάχον με το νούνιγμαν
φαρφαταρά̤ τ’ απάν’ ι-μ’

Τάμαν εποίκα σον Θεόν
τ’ ομμάτι͜α σ’ να επορούνε
πάντα να στέκ’νε αδά̤κρωτα
κι εμένα να τερούνε

Ποίσο(ν) με ισ̌μάρι͜α τη εγάπ’ς
γλυκέα ν’ αχπαρά͜εις με
κι αναπαυτέρ’ τ’ εγκαλιόπο σ’,
πουλί μ’, ν’ απονεγκά͜εις με

Γλωσσάρι

Κείμενο	Επεξήγηση	Ετυμ. Ρίζα
αδά̤κρωτα	χωρίς δάκρυα
αναπαυτέρ’	τόπος ξεκούρασης
απάν’	πάνω
απονεγκά͜εις	ξεκουράζεις
αχπαρά͜εις	τρομάζεις κπ, ξαφνιάζεις
βίον	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
γιάνι	πλάι, πλευρό	yan
γλυκέα	(επιρρ.) γλυκά
εγάπ’ς	αγάπης
εγκαλιόπο	αγκαλίτσα
εμόν	δικός/ή/ό μου	ἐμοῦ
εξέρ’να	ήξερα, γνώριζα
εποίκα	έκανα, έφτιαξα	ποιέω-ῶ
επορούνε	μπορούν
εστείλνα	έστελνα
ευρήκω	βρίσκω
ισ̌μάρι͜α	νεύματα, νοήματα	işmar/նշմար
μανάχον	(έναρθρο) μοναχός, μοναχό, (επίρρ) μόνο/μοναχά
μιγκίν	πιθανός τρόπος, δυνατότητα	mümkün/mumkin
νούνιγμαν	σκέψη
ολίγον	λίγο
όλιον	όλο, ολόκληρο
ομμάτι͜α	μάτια
ποίσο	(προστ.) κάνε, φτιάξε	ποιέω, ποιῶ
στέκ’νε	στέκουν
τερούνε	κοιτούν
φαρφαταρά̤	(ηχομ. λέξη) πεταρίζει, θροίζει, σκιρτά μτφ. ταράζεται από συγκίνηση	farfara (فرفرة) =ήχος φτερουγίσματος ή θροΐσματος
χαμονήν	χαμό, όλεθρο