Γιαρτίμ ’κ’ ευτάει με το ρακίν

Προβολή Τραγουδιού

Καλλιτέχνες: Αλέξανδρος Παρχαρίδης, Θεόφιλος Πουταχίδης

expand_content

Χουσ̌ούρ ευτάγω τη σ̌ισ̌ά̤ν
και το στακάν ντο πίνω
Γιαρτίμ ’κ’ ευτάει με το ρακίν
Πίνω και ’κι μεθύνω!

Κρούγω και κατασ̌κίουμαι,
σκοτούμαι κι αποθάνω
Χαράμ’ ας γίνεται η ζωή μ’
εσέν, πουλί μ’, αν χάνω

Πασ̌τάν εφέκα εγώ εμέν,
ξάι ’κι τερώ το χάλι μ’
’Ποίκα το χώμαν μαξιλάρ’
και τα δέντρα γιοργάνι μ’

Το τσ̌ούλ’ ντ’ εκρέμ’σα σο νερόν
παράκαιρα νουνίζω
Ας ση σεβτι͜άν που ’κ’ έπαθεν
εείνον μακαρίζω

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
γιαρτίμ	βοήθεια, υποστήριξη, συμπαράσταση	yardım
γιοργάνι	πάπλωμα	yorgan
εκρέμ’σα	γκρέμισα, έριξα κατά γης
ευτάγω	κάνω, φτιάχνω	εὐθειάζω
ευτάει	κάνει, φτιάχνει	εὐθειάζω
εφέκα	άφησα
’κ’	δεν	οὐκί<οὐχί
κατασ̌κίουμαι	κατασκίζομαι
’κι	δεν	οὐκί<οὐχί
κρούγω	χτυπώ	κρούω
μεθύνω	μεθάω
νουνίζω	σκέφτομαι
ξάι	καθόλου
πασ̌τάν	ολωσδιόλου, εντελώς	baştan
’ποίκα	(εποίκα) έκανα, έφτιαξα	ποιέω-ῶ
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβτι͜άν	έρωτα, αγάπη	sevda/sevdā
σ̌ισ̌ά̤ν	μπουκάλι	şişe/şīşe
σκοτούμαι	σκοτώνομαι
στακάν	ποτήρι	стакан
τερώ	κοιτώ
τσ̌ούλ’	λινάτσα, (συνεκδοχικά) φτηνό ή παλιό στρωσίδι, κουρέλι	çul/cūl ή cull
χαράμ’	χαράμι, κάτι που δεν έχει τελικά όφελος ή αποτέλεσμα	haram/ḥarām
χουσ̌ούρ	κομμάτια, θρύψαλα	huşur [οθωμ.περ.]