Αραεύ’νε να σκοτών’νε με

Προβολή Τραγουδιού

Στιχουργοί: Δημήτρης Καρασαββίδης, Παραδοσιακό

Καλλιτέχνες: Γιάννης Καλπατσινίδης, Δημήτρης Καρασαββίδης

Αραεύ’νε να σκοτών’νε με,
κρύψον με σα κολτούκια σ’ [γιαρ]
Τα στράτας ι-μ’ αν χορταρούν,
εσύ μη κόφτς τ’ ομούτι͜α σ’ [γιαρ]

Πολλά είναι τα ραχ̌όπα,
τρανόν τ’ ορμάν’ θα σ̌κίζω [γιαρ]
Σουμά σ’, πουλί μ’, να έρχουμαι-ν
το ψ̌όπο μ’ τυρα̤ννίζω [γιαρ]

Χαμέλυνον, ψηλόν ραχ̌ίν,
και ντό πολλά ενεγκάστα! [γιαρ]
Νά ’ρχουμαι ξάι ’κ’ επρόφτασα,
σον τόπον εβραδι͜άστα [γιαρ]

Γλωσσάρι

Κείμενο	Επεξήγηση	Ετυμ. Ρίζα
αραεύ’νε	ψάχνουν, αναζητούν, γυρεύουν	aramak
γιαρ	αγαπητός/ή/ό, αγάπη	yâr
εβραδι͜άστα	βραδιάστηκα
ενεγκάστα	κουράστηκα
έρχουμαι	έρχομαι
’κ’	δεν	ουκί<οὐχί
κολτούκια	μασχάλες, άκριες/απόμεροι τόποι	koltuk
κόφτς	κόβεις
κρύψον	κρύψε (προστ.)
ξάι	καθόλου
ομούτι͜α	ελπίδες	umut
ορμάν’	δάσος	orman
πολλά	πολλά (επίθ.), πολύ (επίρ.)
ραχ̌ίν	βουνό, ράχη
ραχ̌όπα	ραχούλες, βουνά
’ρχουμαι	(έρχουμαι) έρχομαι
σουμά	κοντά
στράτας	δρόμοι (ονομ.), δρόμους (αιτ.)
τυρα̤ννίζω	τυραννάω, ταλαιπωρώ
χαμέλυνον	χαμήλωσε
χορταρούν	χορταριάζουν
ψ̌όπο	ψυχούλα

Σημειώσεις

2ο δίστιχο Δ. Καρασαββίδη