Δεντρά μη πρασινίζετε

Προβολή Τραγουδιού

Στιχουργοί: Δημήτρης Καρασαββίδης, Παραδοσιακό

Καλλιτέχνες: Γιάννης Καλπατσινίδης, Δημήτρης Καρασαββίδης

Δεντρά μη πρασινίζετε
ους να έχ̌’ κι έρ’ται τ’ αρνόπο μ’
Καρίπ’κα σταθέστεν κι εσείν
όπως έν’ το καρδόπο μ’

Τρώει ο λύκον, τρώει ο λύκον
τη Σαντέτ’σσας το μικρίκον
Πόσα βραδά̤ς εμόνασες
εμέν τον Αλεξίκον;

Δέντρα μη πρασινίζετε,
ποτάμι͜α μη βοάτε
Θα έρ’ται το μικρόν τ’ αρνί μ’
και -ν- απ’ εσάς φοάται

Τρώει ο λύκον, τρώει ο λύκον
κι όλιον το καλόν το χτήνον
Πόσα βραδά̤ς εμόνασες
εμέν τον Κωνσταντίνον;

Κα’ έλα και -ν- όλιον τ’ ορμίν
τη στράταν μη σ̌ασ̌εύ’ς -ι
Ωρι͜άσον παίρ’νε μας χαπέρ’,
λίγο το νου σ’ [ν’] ας έ͜εις -ι

Τρώει ο λύκον, τρώει ο λύκον
τη Σαντέτ’σσας το μικρίκον
Πόσα βραδά̤ς εμόνασες
εμέν τον Αλεξίκον

Σα ραχ̌όπα μη λάσ̌κεσαι,
πουλί μ’, χωρίς εμέναν
Ασ’ όλια τα νερά μη πίντς
κάποιον έχ̌’ εβδέλλα

Τρώει ο λύκον, τρώει ο λύκον
κι όλιον το καλόν το χτήνον
Πόσα βραδά̤ς εμόνασες
εμέν τον Κωνσταντίνον

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ασ’	από
έ͜εις	έχεις
εβδέλλα	βδέλλα	βδάλλω=απομυζώ, βυζαίνω
εμόνασες	φιλοξένησες για διανυκτέρευση
έν’	είναι
έρ’ται	έρχεται
εσείν	εσείς
έχ̌’	έχει
έχ̌’ κι έρ’ται	είναι στον ερχομό, έρχεται
κα’	κάτω
καρδόπο	καρδούλα
καρίπ’κα	μοναχικά, ερημικά	garip/ġarīb
λάσ̌κεσαι	περιφέρεσαι, τριγυρνάς, περιπλανιέσαι	ἀλάομαι/ηλάσκω
μικρίκον	μικρούλης/α/ικο
όλια	όλα
όλιον	όλο, ολόκληρο
ορμίν	ρυάκι, ρεματιά
ους	ως, μέχρι
παίρ’νε	παίρνουν
πίντς	πίνεις
ραχ̌όπα	ραχούλες, βουνά
σ̌ασ̌εύ’ς	σαστίζεις, τα έχεις χαμένα	şaşmak
σταθέστεν	(προστ.) σταθείτε
φοάται	φοβάται
χαπέρ’	είδηση, νέο	haber/ḫaber
χτήνον	αγελάδα
ωρι͜άσον	(προστ.) πρόσεξε, φύλαξε, φυλάξου

Σημειώσεις

1ο δίστιχο Δ. Καρασαββίδη