Ση Πουλαντζ̌άκη

Προβολή Τραγουδιού

Καλλιτέχνες: Γιώργος Πουλαντσακλής, Στάθης Νικολαΐδης

Παρακαλώ, παρακαλώ [πουλί μ’]
τα χρόνι͜α ντο εδέβανε [αρνί μ’]
Έναν ημέραν σον Πόντον
να ευρίγουμαι, Χριστέ μ’!
Τη Πουλαντζ̌άκ’ τα χώματα
να προσ̌κυνώ, Θεέ μ’!

Βάσανα, τέρτι͜α και πίκρας [πουλί μ’]
σα στράτας τη ξεριζωμού [αρνί μ’]
Μανάδες μαυροφορεμέν’’
αδά κι εκεί, Χριστέ μ’!
Εντάμαν με τα ορφανά
σον γυρισμόν, Θεέ μ’!

Αροθυμώ, αροθυμώ [πουλί μ’]
τα πανοΰρι͜α τη χωρί’ μ’ [αρνί μ’]
Εντάμαν ούλ’ κι αγαπημέν’
σ’ έναν σ’ άλλο, Χριστέ μ’!
Εχόρευαμ’ και έπιναμ’
ους να μερών’, Θεέ μ’!

Γλωσσάρι

Κείμενο	Επεξήγηση	Ετυμ. Ρίζα
αγαπημέν’	αγαπημένοι
αδά	εδώ
αροθυμώ	νοσταλγώ
εδέβανε	(για τόπο) πέρασαν, διέσχισαν (για χρόνο) πέρασαν	διαβαίνω
εντάμαν	μαζί
έπιναμ’	πίναμε
ευρίγουμαι	βρίσκομαι
εχόρευαμ’	χορεύαμε
μερών’	μερώνει, ξημερώνει
ούλ’	όλοι
ους	ως, μέχρι
πανοΰρι͜α	πανηγύρια
πίκρας	πίκρες
στράτας	(ονομ.) δρόμοι, (αιτ.) δρόμους
τέρτι͜α	καημοί, βάσανα, στενοχώριες	dert
χωρί’	χωριού