Προβολή Τραγουδιού
Επέρασα πίκρας πολλά |
Εσύ είσαι τριαντάφυλλονΣτιχουργοί: Νίκος Χαραλαμπίδης
Συνθέτες: Νίκος Χαραλαμπίδης
Καλλιτέχνες: Γιάννης Τσιτιρίδης, Μπάμπης Κεμανετζίδης
Επέρασα πίκρας πολλά, η καρδι͜ά μ’ εματώθεν Πολλά βάσανα έσυρα το ψ̌όπο μ’ επληγώθεν Τα τραγούδια ντο τραγωδώ ’κ’ είν’ μόνο για τ’ εμένα Είν’ για όλεν τα καρδόπα ντο είναι πληγωμένα Ατώρα όνταν τραγωδώ τα βάσανα, τα πόνι͜α Αμὰν θυμούμαι ντ’ έσυρα εκείν’ τ’ άσ̌κεμα χρόνι͜α Εθάρρ’να όλ’ άμον εμέν απάν’ σον κόσμον είναι ’Θάρρ’να πως την ψ̌ην ατουν σον πληγωμένον δίν’νε Τα τραγούδια ντο τραγωδώ ’κ’ είν’ μόνο για τ’ εμένα Είν’ για όλεν τα καρδόπα ντο είναι πληγωμένα Ατώρα όνταν τραγωδώ τα βάσανα, τα πόνι͜α Αμὰν θυμούμαι ντ’ έσυρα εκείν’ τ’ άσ̌κεμα χρόνι͜α
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αμὰν | αμέσως, ευθύς, μονομιάς | hemen/hemān | |
| άμον | σαν, όπως, καθώς | ἅμα | |
| απάν’ | πάνω | ||
| άσ̌κεμα | άσχημα | ||
| ατουν | τους | ||
| ατώρα | τώρα | ||
| δίν’νε | δίνουν | ||
| εθάρρ’να | θαρρούσα, πίστευα, νόμιζα | ||
| είν’ | (για πληθ.) είναι | ||
| εκείν’ | εκείνοι | ||
| εματώθεν | ματώθηκε | ||
| έσυρα | έσυρα, τράβηξα, έριξα | ||
| ’θάρρ’να | (εθάρρ’να) θαρρούσα, πίστευα, νόμιζα | ||
| θυμούμαι | θυμάμαι | ||
| ’κ’ | δεν | οὐκί<οὐχί | |
| καρδόπα | καρδούλες | ||
| όλ’ | όλοι/α | ||
| όλεν | όλη/ο, ολόκληρη/ο | ||
| όνταν | όταν | ||
| πίκρας | πίκρες | ||
| πολλά | (επίθ.) πολλά, (επίρρ.) πολύ | ||
| πόνι͜α | πόνοι | ||
| τραγωδώ | τραγουδάω | ||
| ψ̌ην | ψυχή | ||
| ψ̌όπο | ψυχούλα |
