Ση Κερασούντας το γιαλόν

Προβολή Τραγουδιού

Ας σην Κεπέκ-Κλισά Κερασούντας σα παράλια της Κριμαίας

Καλλιτέχνες: Γιώργος Ιωαννίδης, Γιώργος Πουλαντσακλής

Ση Κερασούντας το γιαλόν
καράβι͜α φορτωμένα
Εχπάσταν μ’ έναν όρωμαν,
εντάμαν πάν’ σα ξένα

Όσον να κλαίω ’κ’ επορώ
τα δάκρυ͜α μ’ να σπογγίζω
Ση Κερασούντας το γιαλόν
εσέν, αρνί μ’, νουνίζω

Ση Γιάλτα εμέν θα στείλ’νε με
τα φτωχικά μ’ τα χρόνι͜α
Δουλεία να ’φτάγω βαρύν
με βρεχ̌ία και χ̌ι͜όνι͜α

Θάλασσαν, σ’κώσον κύματα,
Αϊ-Γιώργη μ’, το κοντάρι σ’
Τον Χάρον να πατείς ατον,
ωρι͜άεις το παλληκάρι σ’

Γλωσσάρι

Κείμενο	Επεξήγηση	Ετυμ. Ρίζα
βρεχ̌ία	βροχές
δουλεία	δουλειά, εργασία
εντάμαν	μαζί
επορώ	μπορώ
εχπάσταν	αναχώρησαν, κίνησαν για
’κ’	δεν	οὐκί<οὐχί
νουνίζω	σκέφτομαι
όρωμαν	όνειρο
σ’κώσον	(προστ.) σήκωσε
σπογγίζω	σκουπίζω
στείλ’νε	στέλνουν
’φτάγω	(ευτάγω) κάνω, φτιάχνω	εὐθειάζω
ωρι͜άεις	προσέχεις, φυλάς, επιβλέπεις