Προβολή Τραγουδιού
Εσέν την περιστέραν |
Πόντος, η πατρίδα μουΣτιχουργοί: Μάκης Αθανασιάδης
Συνθέτες: Παραδοσιακό
Καλλιτέχνες: Γιώργος Ορφανίδης, Παναγιώτης Κογκαλίδης
Άμον τ’ ομμάτι͜α σ’ τ’ έμορφα να έτον κι η καρδία σ’ Χαρεμένα θα έτανε τ’ εμά τα τραγωδίας Εσέν την περιστέραν θα κλέφτω έναν ημέραν Όντες θα βάλ’ απέσ’ σο νου μ’ το σεβνταλούκ’ αέραν Τ’ ομμάτι͜α μ’ αν εμέτραναν τα δα̤κρόπα ντο έκχ̌’σαν Κατάραν θα εδίνανε εσέν κι εσέναν π’ έχτ’σαν Εσέν την περιστέραν θα κλέφτω έναν ημέραν Όντες θα βάλ’ απέσ’ σο νου μ’ το σεβνταλούκ’ αέραν Ση ψ̌η μ’ απέσ’ εκόνεψες, σο αίμα μ’ εταράες Όσον κι αν επολέμεσα Επ’ εκειαπέσ’ ’κ’ εχπάες Εσέν την περιστέραν θα κλέφτω έναν ημέραν Όντες θα βάλ’ απέσ’ σο νου μ’ το σεβνταλούκ’ αέραν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απέσ’ | μέσα | ||
| δα̤κρόπα | (υποκορ.) δάκρυα | ||
| εκειαπέσ’ | εκεί μέσα | ||
| εκόνεψες | εγκαταστάθηκες, φώλιασες, προσγειώθηκες | konmak | |
| έκχ̌’σαν | εξέχυσαν, έχυσαν, εξέβαλαν | εκχύνω<ἐγχέω< ἐν + χέω | |
| εμά | δικά μου | ||
| εμέτραναν | μετρούσαν | ||
| έμορφα | όμορφα | ||
| επολέμεσα | πολέμησα, μτφ. προσπάθησα | ||
| έτανε | ήταν | ||
| εταράες | ταράχθηκες, ανακατεύτηκες, αναμίχθηκες | ταράσσω | |
| έτον | ήταν | ||
| εχπάες | ξεριζώθηκες, ξεκολλήθηκες, αποκολλήθηκες | ἐκσπάω | |
| έχτ’σαν | έχτισαν | ||
| ’κ’ | δεν | οὐκί<οὐχί | |
| κλέφτω | κλέβω | ||
| ομμάτι͜α | μάτια | ||
| όντες | όταν | ||
| σεβνταλούκ’ | έρωτας | sevdalık | |
| τραγωδίας | τραγούδια | ||
| χαρεμένα | χαρούμενα | ||
| ψ̌η | ψυχή |
