Μάνα, θέλω να παντρεύω

Προβολή Τραγουδιού

Στιχουργοί: Ελένη Αφεντούλη, Χρήστος Χρυσανθόπουλος

Καλλιτέχνες: Γιώργος Ορφανίδης, Παναγιώτης Κογκαλίδης

Μάνα, θέλω να παντρεύω
ας σ’ αφκά τη μαχαλάν
Δέβα πέ’ ατo τον κύρη μ’
κοκκοράκια να χαλάν’

Παναΐα Σουμελά,
π’ ευτάς θάματα πολλά
Ποίσον κι ένα για τ’ εμέν,
η ψ̌η μ’ άλλο ’κι αναμέν’

Άνοιξον, μάνα, άνοιξον,
το πορτόπο σ’ άνοιξον
Τα στόλια τονάτεψον,
τοι τουσ̌μάντς για χάτεψον

Πεθερά, κάθκα καλά,
νούντσον και τα υστερνά!
Η κουτσ̌ή σ’ θα υπαντρεύ’,
άλλο μ’ ευτάς παλαλά

Γλωσσάρι

Κείμενο	Επεξήγηση	Ετυμ. Ρίζα
αναμέν’	περιμένει
άνοιξον	(προστ.) άνοιξε
ας σ’	(ας σου) από του, από τότε που/αφότου, (ας σο) από το/τα
αφκά	κάτω
δέβα	(προστ.) πήγαινε
ευτάς	κάνεις, φτιάχνεις	εὐθειάζω
θάματα	θαύματα
κάθκα	(προστ.) κάθισε
’κι	δεν	οὐκί<οὐχί
κουτσ̌ή	κόρη
μαχαλάν	γειτονιά	mahalle/maḥalle
νούντσον	(προστ.) σκέψου
παλαλά	τρελά, τρέλες
Παναΐα	Παναγιά
παντρεύω	παντρεύομαι, δίνω την/ον κόρη/γιο μου για παντρειά
πέ’	(προστ.) πες
ποίσον	(προστ.) κάνε, φτιάξε	ποιέω, ποιῶ
πολλά	(επίθ.) πολλά, (επίρρ.) πολύ
πορτόπο	πορτούλα, πορτάκι	porta
στόλια	τραπέζια	стол
τοι	τους/τις
τονάτεψον	(προστ.) διακόσμησε, στόλισε, (για τραπέζι) στρώσε μεγαλοπρεπώς, καλλώπισε	donatmak
τουσ̌μάντς	εχθρούς	düşman/duşmān
υπαντρεύ’	παντρεύεται
υστερνά	κατοπινά, τελευταία
χαλάν’	χαλάω/ει, καταστρέφω/ει
χάτεψον	(προστ.) διώξε	atmak
ψ̌η	ψυχή