Ποντιακός Στίχος

Προβολή Τραγουδιού

Κατεβάστε τους στίχους σε PDF

Ενότητα 10η

Τελευταία μαρτυρίαΤελευταία μαρτυρία

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Κώστας Σιαμίδης, Στάθης Χριστοφορίδης


Τ’ αιγιδόπον βόσ̌κεται
σ̌υρίζ’ ατο, κλώσ̌κεται
[Όι να τρώγω σε/Έλα μετ’ εμέν!]
Εγώ τηνάν αγαπώ
ταραπουλούζ’ ζώσ̌κεται
[Ε! γιαβρί μ’ όι, όι/Ε! να τρώγω σε, γιαβρί μ’]

Το ραχ̌ίν χ̌ι͜ονίεται,
παίρ’ ο ήλιον λύεται
[Όι! γιαβρί μ’ όι, όι]
Σεβνταλίν παιδίν είμαι
το καρδόπο μ’ καίγεται

Ε! κορίτσ̌ι͜α ντο λέτε;
Πάμε ση χαμαιλέτε
[Ε! να τρώγω σε!]
Τρώγουμε και πίνομε
καν’νάν τιδέν μη λέτε

Ακεί πέρα ήλιος έν’,
κουστουμπάλιν σ̌κύλος έν’
[Όι! γιαβρί μ’ όι, όι]
Σ̌κύλος αν έν’ τρώει μας -ε
κουτσ̌ή αν έν’ παίρ’ μας -ε

Τον ουρανόν π’ έχτιζεν
αφκά στουλάρ’ ’κ’ εντούνεν
Η Σοφούλα έντριζεν
εμέν χαπάρ’ ’κ’ εδούν’νεν

Η κοσσάρα πίν’ νερόν
και τερεί τον ουρανόν
[Έι! γιαβρί μ’ όι όι/Έι! ν’ αηλί εμέν!]
Εντώκεν ο πετεινόν
κρούει ατεν έναν φτερόν

Κάμποσον καιρός έντον
Hastanım o hastas¹
Ουκ̌’ έρχουσ’, ουκ̌’ εδεβαίν’νες
Ουκ̌’ ερώτανες «ντό ’φτας;»

Ακεί πέρα ήλιος έν’
κουστουμπάλιν σ̌κύλος έν’
Σ̌κύλος αν έν’ τρώει μας -ε
κουτσ̌ή αν έν’ παίρ’ μας -ε
Γλωσσάρι
ΚείμενοΕπεξήγησηΕτυμ. ΡίζαΠροέλευση
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
αιγιδόπονγιδούλα, κατσικάκι
ακείεκεί
ατεναυτήν
αφκάκάτω
βόσ̌κεταιβοσκάει
γιαβρίμωρό, μικρό, παιδί yavru
εδεβαίν’νες(για τόπο) περνούσες, διέσχιζες (για χρόνο) περνούσες διαβαίνω
εδούν’νενέδινε
έν’είναι
έντονέγινε
εντούνενχτυπούσε
έντριζενπαντρευόταν, έβρισκε/εψαχνε άντρα (για γυναίκα)
εντώκενχτύπησε
έρχουσ’ερχόσουν
ερώτανεςρωτούσες
ζώσ̌κεταιζώνεται, φοράει πάνω του ζώννυμι
’κ’δεν οὐκί<οὐχί
καν’νάνκανέναν
καρδόποκαρδούλα
κλώσ̌κεταιγυρίζει, επιστρέφει
κοσσάρακότα
κουτσ̌ήκόρη
κρούειχτυπάει
λύεταιλιώνει
μετ’μαζί με (με αιτιατική), με (τρόπος)
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
ουκ̌’(ιδιωμ. Όφη) δεν ουκί<οὐχί
παίρ’παίρνω/ει
πίν’πίνει
πίνομεπίνουμε
ραχ̌ίνβουνό, ράχη
σεβνταλίνερωτοχτυπημένη/ο, ερωτευμένη/ο, ερωτικό sevdalı
στουλάρ’στύλος που βαστάζει την στέγη οικίας, μτφ. στήριγμα
σ̌υρίζ’σφυρίζω/ει σῦριγξ
ταραπουλούζ’μεταξωτό ζωνάρι το οποίο στην ύφανσή του έβγαζε κάθετες και οριζόντιες ραβδώσεις με αποτέλεσμα να σχηματίζεται καρό Tirebolu<Τρίπολη
τερείκοιτάει
τηνάναυτόν/ην που
τιδέντίποτα
’φτας(ευτάς) κάνεις, φτιάχνεις εὐθειάζω
χ̌ι͜ονίεταιχιονίζεται
χαμαιλέτενερόμυλος
χαπάρ’χαμπάρι, είδηση, μαντάτο haber/ḫaber
Σημειώσεις
¹ ο ασθενής είναι πολύ άρρωστος

Ποντιακός Στίχος - Pontian Lyrics 2024

Τραγούδια: 8059 | Albums/Singles: 1244 | Συντελεστές: 1616 | Λήμματα: 14013
Επικοινωνία: infoDUMMY@pontianlyrics.gr