Ενότητα 6η

Προβολή Τραγουδιού

Καλλιτέχνες: Κώστας Σιαμίδης, Στάθης Χριστοφορίδης

Ν’ αηλί εσέν, νε Γαλέα¹,
πώς έχασες την υ͜εία σ’;
Ποίος θα σύρ’ την καμονή σ’
και την αροθυμία σ’;

Ας τρώει και πίν’ και χ̌αίρεται
του Γαλέα ο παιδάς
Πολλά ’κι πάει θα γίνεται
σο Σεραλάρ² ποπάς

Γαλέα, πούλτσον τ’ άλογα σ’
και τέρεν ξαν την υεία σ’
Γιατί εσύ πα θα φέρτς-ι
καρκίνον σην κοιλία σ’

Εγώ είμαι ας σο Σεραλάρ²
έναν παλαλωμένον
Τρώγω και πίνω λάσκουμαι
άμον σ̌ασ̌ιρεμένον

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άμον	σαν, όπως, καθώς	ἅμα
αροθυμία	νοσταλγία
καμονή	καημός
’κι	δεν	οὐκί<οὐχί
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξαν	πάλι, ξανά
πα	πάλι, επίσης, ακόμα
παιδάς	παιδί, νέος άντρας
παλαλωμένον	τρελαμένο
πίν’	πίνει
ποίος	(ερωτημ.) ποιός, (αναφ.αντων.) όποιος
πολλά	(επίθ.) πολλά, (επίρρ.) πολύ
ποπάς	παπάς
πούλτσον	(προστ.) πούλησε
σ̌ασ̌ιρεμένον	σαστισμένο, που τα έχει χαμένα	şaşırmak
σύρ’	σύρω/ει, τραβάω/ει, ρίχνω/ει
τέρεν	(προστ.) κοίταξε
υεία	υγεία
φέρτς	φέρεις, φέρνεις

Σημειώσεις

¹  Παρατσούκλι του ☨Γαλλίδη Κωνσταντίνου [1906-1954 Αλωνάκια "Σεραλάρ" Κοζάνης]. Ένας άνθρωπος όπως καταμαρτυρούν οι πηγές πολυτεχνίτης και μερακλής μουχαπετλής.
² Παλιά ονομασία του χωριού Αλωνάκια Κοζάνης