Ντό τυλίεις και αποτυλίεις

Προβολή Τραγουδιού

Καλλιτέχνες: Κωστάκης Πετρίδης, Σταύρος Πετρίδης, Χρήστος Χρυσανθόπουλος

Ντό τυλί͜εις και -ν- αποτυλί͜εις
τη λετσ̌εκί’ σ’ τα τέκια;
Εμέν τσ̌αλούμι͜α μη πουλείς
τα παλαλά -ν- εφέκα

Χ̌έρα μ’, ας σο πορπάτεμα σ’
πολλά καταλαβαίνω
Εσύ τιδέν ανάγκην ’κ’ έ͜εις,
τσ̌ούζω τον σ’χωρεμένον

 ♫

Πολλά ’κι πάει, μικρόν αρνί μ’,
[Ν’ αηλί εμέν!]
η γη θα σ̌κίζ’ και παίρ’ με
[Ξαν, θα παίρ’ με/Έλα -ν- έλα -ι]
Εμέναν που κατηγορούν,
[Ν’ αηλί εμέν!]
ατείν’ μουράτι͜α ας παίρ’νε
[Ξαν, ας παίρ’νε/Έλα -ν- έλα -ι]


[Και -ν-] Ας τρώγομε κι ας πίνομε,
[Ν’ αηλί εμέν!]
ντ’ ευτάμε απομέν’ μας
[Ξαν, απομέν’ μας/Έλα -ν- έλα -ι]
Από καρσ̌ί ο θάνατον
[Ν’ αηλί εμέν!]
κάθεται και περ’μέν’ μας
[Έλα -ν- έλα/Έλα γιαβρί μ’]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
απομέν’	απομένει
αποτυλί͜εις	ξετυλίγεις
ατείν’	αυτοί
γιαβρί	μωρό, μικρό, παιδί	yavru
έ͜εις	έχεις
ευτάμε	κάνουμε, φτιάχνουμε	εὐθειάζω
εφέκα	άφησα
θάνατον	θάνατος
’κ’	δεν	οὐκί<οὐχί
καρσ̌ί	απέναντι, αντικρυστά	karşı
’κι	δεν	οὐκί<οὐχί
λετσ̌εκί’	γυναικείου μαντιλιού που χρησίμευε ως κάλυμμα κεφαλής δεμένο σε σχήμα τριγώνου	leçek<laçak
μουράτι͜α	επιθυμίες, πόθοι	murat/murād
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξαν	πάλι, ξανά
παίρ’	παίρνω/ει
παίρ’νε	παίρνουν
παλαλά	τρελά, τρέλες
περ’μέν’	περιμένει
πίνομε	πίνουμε
πολλά	(επίθ.) πολλά, (επίρρ.) πολύ
πορπάτεμα	περπάτημα, περπατησιά
πουλείς	πουλάς
σ̌κίζ’	σκίζω/ει
σ’χωρεμένον	συγχωρεμένο, μακαρίτη
τέκια	στριφώματα	etek
τιδέν	τίποτα
τρώγομε	τρώμε
τσ̌αλούμι͜α	νάζια, σκέρτσα	çalım
τσ̌ούζω	λυπάμαι, συμπονώ	σίζω
τυλί͜εις	τυλίγεις
χ̌έρα	χήρα

Προβολή Τραγουδιού

Ντό τυλί͜εις και αποτυλί͜εις