Προβολή Τραγουδιού
Θα ’μπαίν’ ο γέρον σο χορόν |
Τα ποντιακά του ΤσανάκαληΣτιχουργοί: Γιάννης Τσανάκαλης
Συνθέτες: Γιάννης Τσανάκαλης
Καλλιτέχνες: Γιάννης Τσανάκαλης, Χρήστος Παναγιωτίδης
[Έι!] Παραμερίστε, κορτσόπα, παραμερίστε, νέοι Να ’μπαίν’ ο γέρον σο χορόν, η ψ̌η ατ’ πολλά θέλει Τα γόνατα ’κι κρατούν, τ’ ωτία καλά ’κι ακούν Σο χορόν όντας εμπαίν’ ανασπάλλ’ για να εβγαίν’ [Και/Έι!] Τα χρόνι͜α ντο εδέβανε θυμάται και στενάζει [Έι!-ν-] Ατά πα ’κι πουλίουνταν να στείλει κι αγοράζει Ατά πα ’κι πουλίουνταν να στείλ’ και ν’ αγοράζει Τα γόνατα ’κι κρατούν, τ’ ωτία καλά ’κι ακούν Σο χορόν όντας εμπαίν’ ανασπάλλ’ για να εβγαίν’ [Και -ν-] Η καρδία ’κ’ εγέρασεν, ’κι ακούν τα ποδαρόπα [Και] Ντό τίκια και πιτσ̌ιμλία χορεύ’ με τ’ εγγονόπα τ’! Τα γόνατα ’κι κρατούν, τ’ ωτία καλά ’κι ακούν Σο χορόν όντας εμπαίν’ ανασπάλλ’ για να εβγαίν’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανασπάλλ’ | ξεχνάω/ει | ||
| ατά | αυτά | ||
| εβγαίν’ | βγαίνει | ||
| εγγονόπα | εγγονάκια | ||
| εδέβανε | (για τόπο) πέρασαν, διέσχισαν (για χρόνο) πέρασαν | διαβαίνω | |
| εμπαίν’ | μπαίνει | ||
| ’κ’ | δεν | οὐκί<οὐχί | |
| ’κι | δεν | οὐκί<οὐχί | |
| κορτσόπα | κοριτσάκια | ||
| όντας | όταν | ||
| πα | πάλι, επίσης, ακόμα | ||
| πιτσ̌ιμλία | όμορφα, καλοσχηματισμένα, κομψά | biçimli | |
| ποδαρόπα | ποδαράκια | ||
| πολλά | (επίθ.) πολλά, (επίρρ.) πολύ | ||
| πουλίουνταν | πουλιούνται | ||
| στείλ’ | στέλνω/ει | ||
| τίκια | στητά | dik | |
| χορεύ’ | χορεύω/ει | ||
| ψ̌η | ψυχή | ||
| ωτία | αυτιά |
