Ματσούκα μ’, τα παρχάρι͜α σου

Ματσούκα μ’, τα παρχάρι͜α σου,
τα πράσινα τα φύλλα,
το τσουπαδένιον το ψωμί σ’,
το στύπον η μαντζίρα σ’

Κα’ έλα πουλί μ’, Τσ̌οφούλα μου,
απέσ’ σα μανουσ̌άκια,
απέσ’ σα λουλουδόπα

[Ωχ!] Ας ελέπω από μακρά
την Τσ̌όφαν την καημέντσα μ’
Σο ανεφόρ’ απάν’ καικά
το σ̌ελέκ’ φορτωμέντσα

Κα’ έλα πουλί μ’, Τσ̌οφούλα μου,
απέσ’ σα μανουσ̌άκι͜α,
απέσ’ σα τσ̌ιτσ̌εκόπα

[Εχ!] Ν’ ακούω κελαηδήματα
και μακρύν τραγωδίαν,
[ωχ!] τη γαβαλί’ το μοιρολόι
και κωδωνί’ λαλίαν