Προβολή Τραγουδιού
Ματσούκα μ’, τα παρχάρι͜α σου |
Τα ποντιακά του ΤσανάκαληΣτιχουργοί: Χρήστος Παναγιωτίδης
Συνθέτες: Γιάννης Τσανάκαλης
Καλλιτέχνες: Γιάννης Τσανάκαλης
Ματσούκα μ’, τα παρχάρι͜α σου, τα πράσινα τα φύλλα, το τσουπαδένιον το ψωμί σ’, το στύπον η μαντζίρα σ’ Κα’ έλα πουλί μ’, Τσ̌οφούλα μου, απέσ’ σα μανουσ̌άκια, απέσ’ σα λουλουδόπα [Ωχ!] Ας ελέπω από μακρά την Τσ̌όφαν την καημέντσα μ’ Σο ανεφόρ’ απάν’ καικά το σ̌ελέκ’ φορτωμέντσα Κα’ έλα πουλί μ’, Τσ̌οφούλα μου, απέσ’ σα μανουσ̌άκι͜α, απέσ’ σα τσ̌ιτσ̌εκόπα [Εχ!] Ν’ ακούω κελαηδήματα και μακρύν τραγωδίαν, [ωχ!] τη γαβαλί’ το μοιρολόι και κωδωνί’ λαλίαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απάν’ | πάνω | ||
| απέσ’ | μέσα | ||
| γαβαλί’ | φλογέρας | kaval/ḳawwāl | |
| ελέπω | βλέπω | ||
| κα’ | κάτω | ||
| καημέντσα | καημένη | ||
| καικά | προς τα κάτω, εκεί ακριβώς, κοντά | ||
| κωδωνί’ | κουδουνιού | ||
| λαλίαν | λαλιά, φωνή | ||
| μακρά | (επιρρ.) μακριά, (επιθ.) μακρινά, απομακρυσμένα | ||
| μανουσ̌άκια | μενεξέδες/βιολέτες | մանուշակ (manušak)<manafšak | |
| μαντζίρα | γιαούρτι | macun | |
| παρχάρι͜α | ορεινοί τόποι θερινής βοσκής | ||
| σ̌ελέκ’ | φορτίο ξύλων ή χόρτων που φέρεται στη ράχη ανθρώπου | şelek<շալակ (shalag)=πλάτη, ράχη, μτφ. φορτίο | |
| στύπον | ξινό, στυφό | ||
| τραγωδίαν | τραγούδι | ||
| τσ̌ιτσ̌εκόπα | λουλουδάκια | çiçek | |
| τσουπαδένιον | καλαμποκίσιο | ||
| φορτωμέντσα | φορτωμένη |
