Δύο κορτσόπα έμορφα

Προβολή Τραγουδιού

Καλλιτέχνες: Kerim Aydin, Κυριάκος Τριανταφυλλίδης

Δύο κορτσόπα έμορφα
χλωρόν χορτάρ’ θερίζ’νε
Εκάτσαν κι αναπάουνταν
για τον άντραν νουνίζ’νε

Χόπα, χόπα κι άλλο χόπα,
σην καϊτέ μ’ απάν’, κορτσόπα
Ντώστεν και τα ποδαρόπα
ους να ξημερών’, κορτσόπα

Ο εις είπεν και την άλλεν
’αμώ τ’ εσά τα τράντα
Κι άλλε -ν- εκλώστεν λέει ατεν
«Έπαρ’ το σ̌κύλον άντραν»

Χόπα, χόπα κι άλλο χόπα,
σην καϊτέ μ’ απάν’ κορτσόπα
Ντώστεν και τα ποδαρόπα
ους να ξημερών’, κορτσόπα

Δύο κορτσόπα έμορφα
γελούν και μασχαρεύ’νε
Ατά ν’ αντρίζ’νε ’κ’ επορούν
στέκ’νε και τοουσ̌εύ’νε

Χόπα, χόπα κι άλλο χόπα,
σην καϊτέ μ’ απάν’ κορτσόπα
Ντώστεν και τα ποδαρόπα
ους να ξημερών’, κορτσόπα

Γλωσσάρι

Κείμενο	Επεξήγηση	Ετυμ. Ρίζα
άλλε	άλλη
άλλεν	άλλη
’αμώ	(επιφ.) εκδήλωση έκπληξης, θαυμασμού ή δυσφορίας, βρε! σε καλό σου!	γαμώ
αναπάουνταν	αναπαύονται
αντρίζ’νε	αντρίζουν, παντρεύουν, παντρεύονται
απάν’	πάνω
ατά	αυτά
ατεν	αυτήν
εκάτσαν	κάθισαν
εκλώστεν	γύρισε, επέστρεψε
έμορφα	όμορφα
έπαρ’	(προστ.) πάρε
επορούν	μπορούν
εσά	δικά σου/σας
θερίζ’νε	θερίζουν
’κ’	δεν	οὐκί<οὐχί
καϊτέ	μελωδία, μουσική σύνθεση, μουσικός σκοπός	kayde
κορτσόπα	κοριτσάκια
μασχαρεύ’νε	αστειεύονται, διακωμωδούν	maskara/masḫara
νουνίζ’νε	σκέφτονται
ντώστεν	(προστ.) χτυπήστε
ους	ως, μέχρι
ποδαρόπα	ποδαράκια
στέκ’νε	στέκουν
τοουσ̌εύ’νε	μαλώνουν με κπ, διαπληκτίζονται, παλεύουν	dövüşmek
τράντα	τριάντα
χόπα	χαρωπά, ζωηρά (επιφώνημα χορού)	hoppa (ονοματοποιητική λέξη «ήχος παιδιού που πηδά»)
χορτάρ’	χορτάρι

Σημειώσεις

Μελωδία γνωστή σε όλη την περιοχή της Μαύρης Θάλασσας (Karadeniz)