Έρθες ας σην Γεωργίαν

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Παπαδόπουλος

Έρθες ας σην Γεωργίαν
ας σον πόλεμον απέσ’
Και ντο είδανε τ’ ομμάτα̤ σ’
πέ’ τ’ αδέλφα̤ σ’ και μη κλαις

Σ’κώσον, Βάνια, το ποτήρι σ’
πίνουμε ένα ρακίν
Και τ’ αδέλφι͜α μουν να κλώσκουν
ας ευτάμε έναν ευχ̌ήν

’Νάσπαλον τα μαύρα χρόνα̤
τέρεν, Βάνια, την κεντή σ’
Και ξερόν ψωμίν σον τόπο σ’
φά’ κι ελεύθερος να ζεις

Να χορτά͜εις έρθες πατρίδαν
και να χ̌αίρεται η ψ̌η σ’
Και σον χώμαν ντ’ εγεννέθες
να ’ίνεται το ταφί σ’

Γλωσσάρι

Κείμενο	Επεξήγηση	Ετυμ. Ρίζα
αδέλφα̤	αδέλφια
απέσ’	μέσα
εγεννέθες	γεννήθηκες
έρθες	ήρθες
ευτάμε	κάνουμε, φτιάχνουμε	εὐθειάζω
’ίνεται	γίνεται
κεντή	(ον.) εαυτός, (γεν./αιτ.) εαυτό	kendi
κλώσκουν	γυρίζουν, επιστρέφουν
μουν	μας
’νάσπαλον	(ανάσπαλον) ξέχασε
ομμάτα̤	μάτια
πέ’	(προστ.) πες
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σ’κώσον	(προστ.) σήκωσε
ταφί	τάφο
τέρεν	(προστ.) κοίταξε
φά’	(προστ.) φάε
χορτά͜εις	χορταίνεις
χρόνα̤	χρόνια
ψ̌η	ψυχή