Άρρωστα μωρά

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Παπαδόπουλος

Άρρωστα μωρά τερούνε
κι έναν βούκαν ψαλαφούνε
Κανείς σ’ ατά ’δέν ’κι φέρ’νε
σα ποδάρι͜α τουν να στέκ’νε

Κρού’ν και παίρ’νε οι τρανοί
και το θύμαν οι μικροί
Όθεν πας νεκροταφεία,
όθεν στέκ’ς καντήλ’ κερία

Θάνατος με τα κανόνι͜α
Άλλος αποθάν’ σα χ̌ι͜όνι͜α
Οι τρανοί σεΐρ’ τερούνε
και τα όπλα τουν πουλούνε

Κρού’ν και παίρ’νε οι τρανοί
και το θύμαν οι μικροί
Όθεν πας νεκροταφεία,
όθεν στέκ’ς καντήλ’ κερία

Ορφανά και φοβισμένα,
ας σ’ ανθρώπ’ς κυνηγημένα
Απομέν’νε πεινασμένα
με τα γούλας κρεμαμένα

Κρού’ν και παίρ’νε οι τρανοί
και το θύμαν οι μικροί
Όθεν πας νεκροταφεία,
όθεν στέκ’ς καντήλ’ κερία

Γλωσσάρι

Κείμενο	Επεξήγηση	Ετυμ. Ρίζα
ανθρώπ’ς	ανθρώπους
αποθάν’	πεθαίνει
απομέν’νε	απομένουν
ας σ’	(ας σου) από του, από τότε που/αφότου, (ας σο) από το/τα
ατά	αυτά
βούκαν	μπουκιά
γούλας	(ον. πληθ.) λαιμοί, (γεν. εν.) λαιμού	gula
’δέν	τίποτα
κερία	κεριά	κηρός
’κι	δεν	οὐκί<οὐχί
κρεμαμένα	κρεμασμένα
κρού’ν	χτυπούν	κρούω
όθεν	όπου, οπουδήποτε, σε όποιον
παίρ’νε	παίρνουν
ποδάρι͜α	πόδια
σεΐρ’	θέαμα πρόσφορο για διασκέδαση (τερώ σεΐρ: κοιτώ κάτι παραμένοντας αμέτοχος)	seyir/seyr
στέκ’νε	στέκουν
στέκ’ς	στέκεσαι
τερούνε	κοιτούν
τουν	τους
φέρ’νε	φέρνουν
ψαλαφούνε	ζητούν, αιτούνται