Χάρε, εξέβες σο μεϊτάν’

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Παπαδόπουλος

Χάρε, εξέβες σο μεϊτάν’
και κρατείς σο χ̌έρ’ καγάν’
Εσύ ’κι τερείς ψηλά,
μαναχόν σα χαμελά

Τ’ οσπιτόπα τ’ εφτωχά
έχ’νε όνειρα μικρά
Χάρε, εξέβες σο μεϊτάν’
και κρατείς σο χ̌έρ’ καγάν’

Παίρτς τ’ εργάτε το παιδίν
που ’κ’ εχόρτασεν ψωμίν
Παίρτς τη μάνας το γιαβρίν
που ’κ’ εχάρεν τη ζωήν

Χάρε, ’κι τερείς σειράν,
δί’ς καημούς και παίρτς χαράν
Παίρτς τ’ εργάτε το παιδίν
που ’κ’ εχόρτασεν ψωμίν

Βάλτς νισ̌άν’ το παλληκάρ’
τη μάνας το λαλαχ̌άρ’
Π’ έν’ τη άνοιξης κλαδίν
δικαιούται τη ζωήν

Χάρε, εσύ μανίτσαν ’κι έ͜εις,
τοι μανάδες πας και καί͜εις!
Βάλτς νισ̌άν’ το παλληκάρ’
τη μάνας το λαλαχ̌άρ’

Γλωσσάρι

Κείμενο	Επεξήγηση	Ετυμ. Ρίζα
βάλτς	βάζεις, τοποθετείς
γιαβρίν	μωρό, μικρό, παιδί	yavru
δί’ς	δίνεις
έ͜εις	έχεις
έν’	είναι
εξέβες	βγήκες
εφτωχά	φτωχά, φτωχικά
εχάρεν	χάρηκε
έχ’νε	έχουνε
εχόρτασεν	χόρτασε
’κ’	δεν	οὐκί<οὐχί
καγάν’	δρεπάνι
’κι	δεν	οὐκί<οὐχί
κρατείς	κρατάς
λαλαχ̌άρ’	χαϊδεμένο, παραχαϊδεμένο
μαναχόν	(έναρθρο) μοναχός, μοναχό, (επίρρ) μόνο/μοναχά
μεϊτάν’	πλατεία, αλάνα	meydan/meydān
νισ̌άν’	σημάδι, στόχος, αρραβώνας	nişan/nişān
οσπιτόπα	σπιτάκια	hospitium<hospes
παίρτς	παίρνεις
τερείς	κοιτάς
τοι	τους/τις
χ̌έρ’	χέρι
χαμελά	χαμηλά