Προβολή Τραγουδιού
Ο πατέρας |
Ελάτε σον χορόν (και επιτυχίες)Στιχουργοί: Βασίλης Ροδόπουλος
Συνθέτες: Βασίλης Ζαζόπουλος
Καλλιτέχνες: Γιώργος Σιδηρόπουλος, Στέλιος Χαλκίδης
Ε! Θεέ μ’, σο όνομα Σ’, εγώ τρανόν όρκον επέρα Είπα «πουδέν ’κ’ ευρίεται η καρδι͜ά τη πατέρα-ν» Τη πατέρα την καρδίαν, ν’ αραεύ’ς ’κ’ ευρήκ’ς καμίαν! Τη πατέρα την καρδίαν προσ̌κυνώ -γ- ατο αλλομίαν Έναν παιδίν όντας εμπαίν’ ση Χάρονος τα χ̌έρι͜α άμον χ̌ι͜ονόπον λύεται η καρδι͜ά τη πατέρα -ν Τη πατέρα την καρδίαν, ν’ αραεύ’ς ’κ’ ευρήκ’ς καμίαν! Τη πατέρα την καρδίαν προσ̌κυνώ -γ- ατο αλλομίαν Όνταν χ̌ιονίζ’ κι όταν βρέχ̌’ κι όνταν φυσά αέρας, γιοργάνι͜α τα χ̌ερόπα σου για το παιδί σ’, πατέρα Τη πατέρα την καρδίαν, ν’ αραεύ’ς ’κ’ ευρήκ’ς καμίαν! Τη πατέρα την καρδίαν προσ̌κυνώ -γ- ατο αλλομίαν Τη θάλασσας τα κύματα τρανύν’ α̤τα αέρας Τρανύν’νε και τα δα̤κρόπα -ν αν κλαίει ένας πατέρας Τη πατέρα την καρδίαν, ν’ αραεύ’ς ’κ’ ευρήκ’ς καμίαν! Τη πατέρα την καρδίαν προσ̌κυνώ -γ- ατο αλλομίαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλλομίαν | άλλη μια φορά | ||
| άμον | σαν, όπως, καθώς | ἅμα | |
| αραεύ’ς | ψάχνεις, αναζητάς, γυρεύεις | aramak | |
| βρέχ̌’ | βρέχει | ||
| γιοργάνι͜α | παπλώματα | yorgan | |
| δα̤κρόπα | (υποκορ.) δάκρυα | ||
| εμπαίν’ | μπαίνει | ||
| επέρα | πήρα | ||
| ευρήκ’ς | βρίσκεις | ||
| ευρίεται | βρίσκεται | ||
| ’κ’ | δεν | οὐκί<οὐχί | |
| καμίαν | ποτέ | ||
| λύεται | λιώνει | ||
| όνταν | όταν | ||
| όντας | όταν | ||
| πουδέν | πουθενά | ||
| τρανύν’ | μεγαλώνω/ει, αναθρέφω/ει | τρανόω-ῶ | |
| τρανύν’νε | μεγαλώνουν, αναθρέφουν | τρανόω-ῶ | |
| χ̌ερόπα | χεράκια | ||
| χ̌ι͜ονόπον | χιονάκι | ||
| Χάρονος | Χάρου |
