Η παρά και η χαρά

Προβολή Τραγουδιού

Καλλιτέχνες: Γιώργος Σιδηρόπουλος, Στέλιος Χαλκίδης

Κάθκα κα’ και σούκ’ απάν’,
για τ’ εσέν, παρά, γουρπάν’!
Γνωστικόν κι ο παλαλόν,
ο κακόν και ο καλόν

Τρέχ’νε ούλ’ απάν’ αφκά,
φανερά και μυστικά
Για τ’ εσέν, παρά, σο χ̌έρ’
έχ’νε κι απ’ έναν μαχ̌αίρ’

Ο ζεγκίντς κι ο εφτωχόν
απάν’ σον ίδιον τροχόν
Γυροκλώσκουνταν και τρέχ’νε,
εθαρρούν ολίγα έχ’νε

Όνταν ’κ’ έχουμε χαράν
ντό να ευτάμε σε, παρά;
Ντό να ευτάμε τα πολλά;
Λίγα χρόνι͜α και καλά

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αφκά	κάτω
γουρπάν’	θυσία	kurban/ḳurbān
γυροκλώσκουνταν	κλωθογυρίζουν
εθαρρούν	θαρρούν, νομίζουν, υποθέτουν
ευτάμε	κάνουμε, φτιάχνουμε	εὐθειάζω
εφτωχόν	φτωχό
έχ’νε	έχουνε
ζεγκίντς	πλούσιος	zengin/sengīn
’κ’	δεν	οὐκί<οὐχί
κα’	κάτω
κάθκα	(προστ.) κάθισε
μαχ̌αίρ’	μαχαίρι
όνταν	όταν
ούλ’	όλοι
παλαλόν	τρελό
παρά	λεφτά, το χρήμα	para/pāre
πολλά	(επίθ.) πολλά, (επίρρ.) πολύ
σούκ’	(προστ.) σήκω
τρέχ’νε	τρέχουν
χ̌έρ’	χέρι