Αροθυμία

Προβολή Τραγουδιού

Καλλιτέχνες: Γιωργούλης Παπαδόπουλος, Χρήστος Παπαδόπουλος

Αροθυμία έφαεν
και τ’ εμόν την καρδίαν [γιαρ/νέι]
’Κ’ ευρήκω τ’ εμόν το πουλίν,
’κ’ έχω παρηγορίαν [γιαρ/νέι]

Τον κόσμον όλεν ελάστα
πέλκιαμ’ εσέν ευρήκω [γιαρ/νέι]
Τα κάλλα̤ σ’ εροθύμεσα,
το πόι σ’ το μικρίκον [γιαρ/νέι]

Έναν πρωί αχάπαρα
με τ’ αρνί μ’ ενταμώθα [γιαρ/νέι]
Ατέν άμον ντο είδα εγώ
τ’ ομμάτι͜α μ’ εγομώθαν [γιαρ]

Νασάν εμέν, νασάν εμέν,
η κάρδα̤ ’κ’ εκομπώθεν! [γιαρ/νέι]
Ατέν έτον το γιατρικόν
το ψ̌όπο μ’ ελαρώθεν [γιαρ/νέι]

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αροθυμία	νοσταλγία
ατέν	αυτήν
γιαρ	αγαπητός/ή/ό, αγάπη	yâr
εγομώθαν	γέμισαν
εκομπώθεν	ξεγελάστηκε, εξαπατήθηκε, μτφ. σαγηνεύτηκε	κομβόω
ελαρώθεν	γιατρεύτηκε, θεραπεύτηκε
ελάστα	περιφέρθηκα, τριγύρισα, περιπλανήθηκα	ἀλάομαι/ηλάσκω
εμόν	δικός/ή/ό μου	ἐμοῦ
εροθύμεσα	νοστάλγησα
έτον	ήταν
ευρήκω	βρίσκω
έφαεν	έφαγε
’κ’	δεν	οὐκί<οὐχί
κάλλα̤	κάλλη
μικρίκον	μικρούλης/α/ικο
νασάν	χαρά σε
όλεν	όλη/ο, ολόκληρη/ο
ομμάτι͜α	μάτια
παρηγορίαν	παρηγοριά
πέλκιαμ’	ίσως να, πιθανόν να, μπας και (με την ελπίδα να συμβεί)	belki + μη (αραβ. bel+ περσ. ki)
πόι	ύψος, μπόι	boy
ψ̌όπο	ψυχούλα