Φίλ’ με να φιλώ σε

Προβολή Τραγουδιού

Καλλιτέχνες: Γιώργος Ατματσίδης, Γιώργος Δημητριάδης

Τη καρδίας ι-μ’ τ’ ομμάτι͜α
φέρ’νε με σ’ εσόν την στράταν
Ντό θα ’ίνουμαι;
Ένουμ’νε χ̌ίλι͜α κομμάτι͜α
για τ’ εσά, πουλί μ’, τ’ ομμάτι͜α
κολατίγουμαι!

Φίλ’ με να φιλώ σε,
ποδεδίζω σε!
Πόσον αγαπώ σε, γιάβρι μ’,
να δεικνύζω σε
Φίλ’ με να φιλώ σε,
ποδεδίζω σε!
Ήντι͜αν θέλ’ η ψ̌η σ’, πουλόπο μ’,
θα χαρίζω σε

Εκοιμέθεν το χωρίον
και -ν- εμείς μόνον οι δύο
’κι κοιμούμες
Μεσανύχτ’ απέσ’ σο κρύον
οξ̌ουκά ας σο χωρίον
ανταμούμες

Φίλ’ με να φιλώ σε,
ποδεδίζω σε!
Πόσον αγαπώ σε, γιάβρι μ’,
να δεικνύζω σε
Φίλ’ με να φιλώ σε,
ποδεδίζω σε!
Ήντι͜αν θέλ’ η ψ̌η σ’, πουλόπο μ’,
θα χαρίζω σε

Η σεβντά μ’ τρανόν έν’, γιαβρί μ’,
όντες έχω σε σο γιάνι μ’
παλαλούμαι!
Κι αν ευτάγω αμαρτίαν
πέει ας έρ’ταν την καρδία μ’
ορωτούνε

Φίλ’ με να φιλώ σε,
ποδεδίζω σε!
Πόσον αγαπώ σε, γιάβρι μ’,
να δεικνύζω σε
Φίλ’ με να φιλώ σε,
ποδεδίζω σε!
Ήντι͜αν θέλ’ η ψ̌η σ’, πουλόπο μ’,
θα χαρίζω σε

Γλωσσάρι

Κείμενο	Επεξήγηση	Ετυμ. Ρίζα
ανταμούμες	ανταμώνουμε
απέσ’	μέσα
γιαβρί	μωρό, μικρό, παιδί	yavru
γιάβρι	μωρό, μικρό, παιδί	yavru
γιάνι	πλάι, πλευρό	yan
δεικνύζω	δείχνω, καταδεικνύω
εκοιμέθεν	κοιμήθηκε
έν’	είναι
ένουμ’νε	έγινα
έρ’ταν	έρχονται
εσά	δικά σου/σας
εσόν	δικός/ή/ό σου
ευτάγω	κάνω, φτιάχνω	εὐθειάζω
ήντι͜αν	οτιδήποτε, ό,τι
’ίνουμαι	γίνομαι
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
κοιμούμες	κοιμόμαστε
κολατίγουμαι	κολάζομαι
μεσανύχτ’	μεσάνυχτα
ομμάτι͜α	μάτια
όντες	όταν
οξ̌ουκά	έξω
ορωτούνε	ρωτούν
παλαλούμαι	τρελαίνομαι
πέει	(προστ.) πες
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πουλόπο	πουλάκι
σεβντά	αγάπη, έρωτας	sevda/sevdā
φέρ’νε	φέρνουν
φίλ’	(προστ. φιλώ) φίλα, (πληθ. φίλον) φίλοι
ψ̌η	ψυχή