Ξενιτείας τέρτια

Προβολή Τραγουδιού

expand_content

Χαρέστεν τον καιρόν εσουν, [όι, όι πουλόπο μ’, νε]
παραμικρά πουλία [νε]
Νασάν που ζει και κλώσ̌κεται [μανίτσα μ’, όι και νε]
ν’ ελέπ’ σας αλλομίαν [νε]

Κα’ έλα, πουλίκα μ’, τ’ ορμίν [ωχω!] έλα [νε]

Δεντρά πουδέν μ’ αφήνετεν [όι και νε]
ώσπου να έρ’ται [και] τ’ αρνόπο μ’ [νε]
Έρημα ν’ απομένετε [έι και νε]
αρ’ άμον τον καρδόπο μ’ [νε]

Κα’ έλα, πουλίκα μ’, τ’ ορμίν, κα’ [ω!] έλα [νε]

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
άμον	σαν, όπως, καθώς	ἅμα
αρνόπο	αρνάκι, χαϊδευτική προσφώνηση γυναίκας
ελέπ’	βλέπει/βλέπω
έρ’ται	έρχεται
εσουν	σας
κα’	κάτω
καρδόπο	καρδούλα
κλώσ̌κεται	γυρίζει, επιστρέφει
νασάν	χαρά σε
ορμίν	ρυάκι, ρεματιά
παραμικρά	πολύ μικρά
πουδέν	πουθενά
πουλίκα	πουλάκι
πουλόπο	πουλάκι
χαρέστεν	(προστ.) χαρείτε

Προβολή Τραγουδιού

Ξενιτείας τέρτι͜α