Προβόπα και κορτσόπα

Προβολή Τραγουδιού

Μικρός έμ’νε και ’κ’ έξερα
ερίαζα προβόπα
Ατώρα ασ’ ετράνυνα
ωρι͜άζω τα κορτσόπα

Κορτσόπα, ντό τερείτε με
και ντο χαμογελάτεν;
Σεβντά ντο έν’ ’κι ’ξέρετεν,
τσ̌εχέλκα, ’κ’ εγροικάτεν

Έναν κορτσόπον είπε με
«Εσέν και τον Θεό σ’ -ι!
Φίλεμαν πάντα ψαλαφάς
και -ν- άμον γυρευός -ι»

Τα κορτσόπα -ν- επλέθυναν,
τα δέκα εγένταν είκοσ’
[Και -ν-] Ατά να έσαν πρόβατα,
εγώ να έμ’νε λύκος

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ασ’	από
ατά	αυτά
ατώρα	τώρα
γυρευός	επαίτης, ζητιάνος
εγένταν	έγιναν
εγροικάτεν	καταλαβαίνετε
έμ’νε	ήμουν
έν’	είναι
έξερα	ήξερα
επλέθυναν	πλήθυναν
ερίαζα	πρόσεχα, φυλούσα, επέβλεπα
έσαν	ήταν
ετράνυνα	μεγάλωσα
’κ’	δεν	οὐκί<οὐχί
’κι	δεν	οὐκί<οὐχί
κορτσόπα	κοριτσάκια
κορτσόπον	κοριτσάκι
προβόπα	πρόβατα
σεβντά	αγάπη, έρωτας	sevda/sevdā
τερείτε	κοιτάτε
τσ̌εχέλκα	άπειρα, ανώριμα, άβγαλτα	cehil/cehl
φίλεμαν	φιλί
ψαλαφάς	ζητάς, αιτείσαι
ωρι͜άζω	προσέχω, φυλάω, επιβλέπω