Ασ’ έναν μαχαλάν είμες

Προβολή Τραγουδιού

Καλλιτέχνες: Αλέξανδρος Παρχαρίδης, Κώστας Σιαμίδης

Ασ’ έναν μαχαλάν είμες
κι ασ’ έναν γειτονίαν
Πάντα ’γώ ’κι θα έρχουμαι,
έλα κι εσύ πα μίαν

Τ’ οσπίτ’ν ατ’ς καινουργόχτιστον
και κιρετσ̌λιαεμένον
Εχάσεν τ’ ανοιγάρι͜α ’θε
κι επέμ’νεν κλειδωμένον

Τη μαχαλά σ’ εγόρασα,
τ’ ημ’σόν θα πατουρεύω
Κι ατού σ’ άσπρον την ψ̌η σ’ απέσ’
νουσκά θα γιαπτουρεύω

Απάν’ σον Άεν-Πνεύματον
κερίν εξέβα ν’ άφτω
Είδ’ ατεν και κατ’ έπαθα
τον κύρ’ν ατ’ς ανασκάφτω

Γλωσσάρι

Κείμενο	Επεξήγηση	Ετυμ. Ρίζα
άεν	άγιο
άεν-Πνεύματον	άγιο Πνεύμα
ανασκάφτω	βλαστημώ, βρίζω
ανοιγάρι͜α	κλειδιά
απάν’	πάνω
απέσ’	μέσα
ασ’	από
ατεν	αυτήν
ατού	εκεί (σε τόπο ή σημείο που βρίσκεται σε κάποιο απόσταση)
ατ’ς	αυτής, της
άφτω	ανάβω
γιαπτουρεύω	παραγγέλνω να μου φτιάξουν, αγοράζω	yaptırmak
εγόρασα	αγόρασα
είμες	είμαστε
εξέβα	βγήκα, ανέβηκα, μτφ. προέκυψα
επέμ’νεν	απόμεινε
έρχουμαι	έρχομαι
εχάσεν	έχασε, έδιωξε, πέταξε
ημ’σόν	μισό/η
’θε	του/της
καινουργόχτιστον	καινούριο χτισμένο
κατ’	γιατί/γιατί δεν
’κι	δεν	οὐκί<οὐχί
κιρετσ̌λιαεμένον	ασβεστωμένο, ασπρισμένο	kireçlemek<gireç
κύρ’ν	κύρη, πατέρα
μαχαλά	γειτονιά	mahalle/maḥalle
μαχαλάν	γειτονιά	mahalle/maḥalle
μίαν	μια φορά
νουσκά	φυλαχτό, τριγωνική θήκη που περιέχει γραπτές θρησκευτικές ή μαγικές ευχές που πίστευαν ότι προστατεύει τον κομιστή από επιβλαβή αποτελέσματα και φέρνει καλοσύνη	muska/nusḫa
οσπίτ’ν	σπίτι	hospitium<hospes
πα	πάλι, επίσης, ακόμα
πατουρεύω	εμβυθίζω, πνίγω, μτφ. καταστρέφω, μτφ. χρεωκοπώ	batırmak
ψ̌η	ψυχή