Μαϊσσοπούλ’

Προβολή Τραγουδιού

Καλλιτέχνες: Δημήτρης Κοτσογλανίδης, Νίκος Κοτταρίδης

expand_content

Τα μάγ’λα σ’ ’κχ̌ύν’νε ζάχαρην
και τα χ̌ειλόπα σ’ μέλι
Τ’ εμόν την ψ̌ην εσύ θα παίρτς
’κι θα προφτάν’ αγγέλοι

Μάισσας, μαϊσσοπούλιν,
με τα τσ̌αλίμι͜α ντο ευτάς
Θα σύρτς και παίρτς τ’ αχούλι μ’
Μάϊσσας, μαϊσσοπούλιν!

Σον πρόσωπο σ’ όντες τερώ
τ’ ομμάτι͜α μ’ χαντυλλι͜άουν
Πάω να καλατσ̌εύω σε
και τα λόγι͜α μ’ δελι͜άουν

Μάϊσσας, μαϊσσοπούλιν,
με τα τσ̌αλίμι͜α ντο ευτάς
Θα σύρτς και παίρτς τ’ αχούλι μ’
Μάϊσσας, μαϊσσοπούλιν!

Ο ήλιον πα εζέλεψεν
τα έμορφα τα κάλλια σ’
Εβγαίν’ ας σην ανατολήν
κι εσέν ευτάει εγκάλιας

Μάϊσσας, μαϊσσοπούλιν,
με τα τσ̌αλίμι͜α ντο ευτάς
Θα σύρτς και παίρτς τ’ αχούλι μ’
Μάϊσσας, μαϊσσοπούλιν!

Φοούμαι γιάμ’ θα κλέφ’νε σε
και σταματά ο νους ι-μ’
Εγώ εσέν αν ’κι παίρω
θα σκοτώνω ολονούς-ι

Μάϊσσας, μαϊσσοπούλιν,
με τα τσ̌αλίμι͜α ντο ευτάς
Θα σύρτς και παίρτς τ’ αχούλι μ’
Μάϊσσας, μαϊσσοπούλιν!

Γλωσσάρι

Κείμενο	Επεξήγηση	Ετυμ. Ρίζα
αχούλι	μυαλό	akıl/ʿaḳl
γιάμ’	μήπως, ή μη	ya/yā + μη
δελι͜άουν	περιπλέκονται, μπερδεύονται, σκοντάφτουν	θηλιάζω<θῆλυς
εβγαίν’	βγαίνει
εγκάλιας	αγκαλιές
εζέλεψεν	ζήλεψε
εμόν	δικός/ή/ό μου	ἐμοῦ
έμορφα	όμορφα
ευτάει	κάνει, φτιάχνει	εὐθειάζω
ευτάς	κάνεις, φτιάχνεις	εὐθειάζω
καλατσ̌εύω	μιλάω, συνομιλώ, συζητώ	keleci=καλός λόγος (Παλαιά Τουρκική Ανατολίας)
κάλλια	κάλλη
’κι	δεν	οὐκί<οὐχί
κλέφ’νε	κλέβουν
’κχ̌ύν’νε	εκχύνουν, χύνουν, εκβάλλουν	εκχύνω<ἐγχέω< ἐν + χέω
μάγ’λα	μάγουλα	magulum
μάισσας	μάγισσας
ομμάτι͜α	μάτια
όντες	όταν
πα	πάλι, επίσης, ακόμα
παίρτς	παίρνεις
παίρω	παίρνω
σύρτς	σέρνεις, τραβάς, ρίχνεις
τερώ	κοιτώ
τσ̌αλίμι͜α	επιδέξιες κινήσεις (σε χορό κ.ά.), σκέρτσα, καμώματα	çalım
φοούμαι	φοβάμαι
χ̌ειλόπα	χειλάκια
χαντυλλι͜άουν	γαργαλιούνται, μτφ. θαμπώνονται
ψ̌ην	ψυχή