Τ’ όραμα μ’

Απόψ’ είδα σ’ όνερο μ’,
είχα σε σ’ εγκαλιόπο μ’
Η χαρά μ’ έτον τρανόν,
ξάι ’κ’ εθέλνα να μερών’

Έλ’ αδά και δέβ’ ακεί
έλα σ’ εμόν το κεπίν
Ας σα χ̌ειλόπα τ’ εσά
’σαν ατόν σεβτι͜άν που πίν’

Σ’ όραμα μ’ ελέπω σε,
εθαρρώ θα παίρω σε
Πάω να πιάνω σε
κι ας σ’ ομμάτι͜α μ’ χάνω σε

Έλ’ αδά και δέβ’ ακεί
έλα σ’ εμόν το κεπίν
Ας σα χ̌ειλόπα τ’ εσά
’σαν ατόν σεβτι͜άν που πίν’

Ας σα χ̌ερόπα τ’ εσά
’σαν ατόν νερόν που πίν’
Η ζιπούνα σ’ κυματίζ’
και το τέρεμα σ’ θερίζ’

Απέσ’ σ’ εγκαλιόπο σου
’σαν ατόν που θ’ αλωνίζ’
Έλ’ αδά και δέβ’ ακεί,
έλα σ’ εμόν το κεπίν

Ας σα χ̌ειλόπα τ’ εσά
’σαν ατόν σεβτι͜άν που πίν’
Ας σα χ̌ερόπα τ’ εσά
’σαν ατόν νερόν που πίν’

Εσέναν όντες τερώ
το καρδόπο μ’ σείεται
Τρομάζ’νε τα γόνατα μ’
και το ψ̌όπο μ’ λύεται

Έλ’ αδά και δέβ’ ακεί
έλα σ’ εμόν το κεπίν
Ας σα χ̌ειλόπα τ’ εσά
’σαν ατόν σεβτι͜άν που πίν’
Ας σα χ̌ερόπα τ’ εσά
’σαν ατόν νερόν που πίν’