Αχ! Καρδιά μ’ πονεμένον

Προβολή Τραγουδιού

Συνθέτες: Mahzuni Şerif, Παναγιώτης Ασλανίδης

Καλλιτέχνες: Γιώργος Νικολαΐδης, Παναγιώτης Ασλανίδης

Η καρδία μ’ πώς πονά
εματώθεν έχ̌’ γερὰ
Τα τερτόπα τ’ς είν’ πολλά
Ατέ πότε θα γελά;

Αχ! Καρδι͜ά μ’, πονεμένον,
πολλά τυρα̤ννιγμένον
Άτσ̌απα θα λαρούσαι;
Καρδι͜ά μ’, θα θανατούσαι
Πολλά τρανόν η σεβντά σ’
και ’κι ξέρω αν θα βαστάζ’

Εγάπην θέλ’ ατέ
Εγάπην θέλ’ ατέ
Εγάπην θέλ’ ατέ τρανόν-ι
για να λαρούται

Η καρδία μ’ γεραλίν,
η σεβντά μ’ απέσ’ τρανύν’
Αν ’κ’ ευρήκ’ τον γιατρικόν
κακόν θα γράφτ’ ιστορικόν

Αχ! Καρδι͜ά μ’, πονεμένον,
πολλά τυρα̤ννιγμένον
Άτσ̌απα θα λαρούσαι;
Καρδι͜ά μ’, θα θανατούσαι
Πολλά τρανόν η σεβντά σ’
και ’κι ξέρω αν θα βαστάζ’

Εγάπην θέλ’ ατέ
Εγάπην θέλ’ ατέ
Εγάπην θέλ’ ατέ τρανόν-ι
για να λαρούται

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ατέ	αυτή
άτσ̌απα	άραγε, αναρωτιέμαι	acaba/ʿacebā
γερὰ	πληγή, τραύμα	yara
γεραλίν	πληγωμένο, τραυματισμένο	yaralı
είν’	είναι (για πληθ.)
εματώθεν	ματώθηκε
ευρήκ’	βρίσκω/ει
έχ̌’	έχει
θανατούσαι	θανατώνεσαι
’κ’	δεν	ουκί<οὐχί
’κι	δεν	ουκί<οὐχί
λαρούσαι	γιατρεύεσαι, θεραπεύεσαι
λαρούται	γιατρεύεται, θεραπεύεται
πολλά	πολλά (επίθ.), πολύ (επίρ.)
σεβντά	αγάπη, έρωτας	sevda/sevdā
τερτόπα	(υποκορ.) καημοί, βάσανα, στενοχώριες	dert
τρανύν’	μεγαλώνω/ει, αναθρέφω/ει
τυρα̤ννιγμένον	τυραννισμένο/η, ταλαιπωρημένο/η

Προβολή Τραγουδιού

Αχ! Καρδι͜ά μ’ πονεμένον