Κορτσόπον ντο τερείς με;

Προβολή Τραγουδιού

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

Έπαρ’ με κόρ’, έπαρ’ με,
ρίζα μ’, ποδεδίζω σε!
Μετ’ εμέν θα ζεις καλά
θα χαρεντερίζω σε

Κορτσόπον, ντό τερείς με;
Είμαι άξιον παλληκάρ’
Ση χωρί’ τα κορτσόπα
πολλά έχω εχτιπάρ’

Εποίκες με σεβνταλήν
έσπρυνες και το μαλλί μ’
Το αίμα μ’ εποίκες νερόν
και κλαίω ους να μερών’

Το γομάρι μ’ αλεύρι͜α
εύρα την πελι͜ά μ’ εύρα
Άμον ζαντός πορπατώ
να χ̌αίρουμαι ’κ’ επορώ

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γομάρι	φορτίο (από ξύλο ή χόρτα) που το έφεραν στην πλάτη ή στην ράχη ζώου
έπαρ’	(προστ.) πάρε
εποίκες	έκανες, έφτιαξες	ποιέω-ῶ
επορώ	μπορώ
έσπρυνες	άσπρισες
εύρα	βρήκα, (ιδιωμ. προστ.) βρες
εχτιπάρ’	αξιοπρέπεια, κύρος, αξιοπιστία	itibar/iʿtibār
ζαντός	τρελός
’κ’	δεν	οὐκί<οὐχί
κορτσόπα	κοριτσάκια
κορτσόπον	κοριτσάκι
μερών’	μερώνει, ξημερώνει
μετ’	μαζί με (με αιτιατική), με (τρόπος)
ους	ως, μέχρι
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πολλά	(επίθ.) πολλά, (επίρρ.) πολύ
πορπατώ	περπατάω
σεβνταλήν	ερωτοχτυπημένο, ερωτευμένο	sevdalı
τερείς	κοιτάς
χ̌αίρουμαι	χαίρομαι
χαρεντερίζω	χαροποιώ, ψυχαγωγώ
χωρί’	χωριού