Αηδόνια δεκατέσσερα

Προβολή Τραγουδιού

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

Αηδόνι͜α δεκατέσσερα
σην αύλι͜α σου πετούνε
Κάθαν πρωίν και για τ’ εσέν,
πουλόπο μ’, κελαηδούνε

Τ’ ουρανού τα πετούμενα,
τη Θεού τα πουλία
εκάτσαν κι εζωγράφ’σανε
τ’ ομματί’ σ’ τα πλουμία

Τα δρόμι͜α και ντο πορπατείς
ατά, πουλί μ’, φωτάζ’νε
Τ’ ομμάτι͜α ντο ελέπ’νε σε
ασ’ όλα̤ δάκρυ͜α στάζ’νε

Γλωσσάρι

Κείμενο	Επεξήγηση	Ετυμ. Ρίζα
ασ’	από
ατά	αυτά
αύλι͜α	αυλή
δρόμι͜α	δρόμοι, δρόμους
εζωγράφ’σανε	ζωγράφισαν
εκάτσαν	κάθισαν
ελέπ’νε	βλέπουνε
κάθαν	κάθε
ομματί’	ματιού
ομμάτι͜α	μάτια
πλουμία	κεντητά ή ζωγραφιστά διακοσμητικά σχέδια, μτφ. στολίδια	pluma
πορπατείς	περπατάς
πουλόπο	πουλάκι
στάζ’νε	στάζουνε
φωτάζ’νε	φωτίζουν, λάμπουν