Οφέτος

Προβολή Τραγουδιού

Στιχουργοί: Κώστας Καραπαναγιωτίδης, Παραδοσιακό

Καλλιτέχνες: Δημήτρης Κουγιουμτζίδης, Κώστας Καραπαναγιωτίδης

[Εχ! Και] Γράφτω γράμμαν και στείλω σε
γομάτον χ̌αιρετίας
[Εχ! Και -ν-] Ολόερα τα δα̤κρόπα μ’
[Οφέτος, οφέτος]
κι απέσ’ τ’ αροθυμίας

[Εχ! Και] Το γράμμαν σίτι͜α γράφτω εγώ,
αίμαν στάζ’ το κοντύλιν
[Ωχ! Και] Τα δα̤κρόπα μ’ εγόμωσαν
[Οφέτος, οφέτος]
τ’ έρημον το ποτήρι μ’

[Εχ! Και] Γράψον γράμμαν και στείλον με
και πέει με το τερτόπο σ’
[Ωχ! Και -ν-] Αφήνω όλα̤ κι έρχουμαι
[Οφέτος, ξαν οφέτος]
και χ̌αίρεται το ψ̌όπο σ’

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αροθυμίας	(γεν.) νοσταλγίας, (πληθ.) νοσταλγίες
γομάτον	γεμάτο/η
γράψον	γράψε
δα̤κρόπα	(υποκορ.) δάκρυα
εγόμωσαν	γέμισαν
έρχουμαι	έρχομαι
ξαν	πάλι, ξανά
ολόερα	ολόγυρα
οφέτος	φέτος
πέει	(προστ.) πες
σίτι͜α	καθώς, ενώ	σόταν<εις όταν
στείλον	(προστ.) στείλε
τερτόπο	καημό, βάσανο, στενοχώρια	dert + -όπον (υποκορ.)
χ̌αιρετίας	χαιρετίσματα
ψ̌όπο	ψυχούλα