Προβολή Τραγουδιού

Δύο κορτσόπα αγαπώ

Καλλιτέχνες: Γώγος Πετρίδης, Κώστας Καραπαναγιωτίδης

Δύο είναι τα κορτσόπα
εγώ ντ’ αγαπώ
Τ’ έναν έν’ μελαχρινόν,
τ’ άλλο έν’ ξανθόν

Τα χ̌ειλόπα τη ξανθέσσας
είν’ πολλά γλυκά
Θέλω να φιλώ -γ- ατα,
φεύ’ ατέ μακρά

Έχ̌’ ολήμαυρα τ’ ομμάτι͜α
το μελαχρινόν
Σεβνταλίν κι αγαπημένον
και πολλά μικρόν

Πολλά δύσκολον η θέση μ’
ντό θα ’φτάγω εγώ;
Τ’ έναν το κορίτσ’ αρέζ’ με,
τ’ άλλο αγαπώ

Γλωσσάρι

Κείμενο	Επεξήγηση	Ετυμ. Ρίζα
ατα	αυτά
ατέ	αυτή
είν’	είναι (για πληθ.)
έν’	είναι
έχ̌’	έχει
κορτσόπα	κοριτσάκια
μακρά	(επιρρ.) μακριά, απομακρυσμένα
ολήμαυρα	ολόμαυρα
ομμάτι͜α	μάτια
πολλά	πολλά (επίθ.), πολύ (επίρ.)
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
φεύ’	φεύγει
’φτάγω	(ευτάγω) κάνω, φτιάχνω	εὐθειάζω
χ̌ειλόπα	χειλάκια