Της ζωής το ανηφόρι

Προβολή Τραγουδιού

Καλλιτέχνες: Γιάννης Τσανάκαλης, Στάθης Νικολαΐδης

Της ζωής το ανεφόρ’
έν’ πολλά τρανόν
κι αν ’κι ’ξέρτς τα μονοπάτι͜α
χάσαι σον κρεμόν
Έχ̌’ και έναν μαύρον στράταν
χωρίς γυρισμόν

Έι, έι, δύο μέτρα
χώμαν θα κερδί͜εις
Απ’ ατού όλ’ θα δι͜αβαίνομ’
’κι γλυτών’ κανείς

Παλληκάρι͜α, βασιλιάδες,
πλούσιοι και φτωχοί
Πέτε με, κανείς τα χρόνια
έκλωσεν οπίσ’;
Ας πατούμε την κακίαν
όσον έν’ νωρίς

Έι, έι, δύο μέτρα
χώμαν θα κερδί͜εις
Απ’ ατού όλ’ θα δι͜αβαίνομ’
’κι γλυτών’ κανείς

Ντό ευτάμε και πού πάμε
πώς ’κ’ εξέρομε;
Μάταια είναι τα πάντα
και ντο έχομεν
Η ζωή έν’, έρθαμ’, είδαμ’
και θα φεύομε

Έι, έι, δύο μέτρα
χώμαν θα κερδί͜εις
Απ’ ατού όλ’ θα δι͜αβαίνομ’
’κι γλυτών’ κανείς

Γλωσσάρι

Κείμενο	Επεξήγηση	Ετυμ. Ρίζα
ατού	εκεί (σε τόπο ή σημείο που βρίσκεται σε κάποιο απόσταση)
δι͜αβαίνομ’	(για τόπο) περνάμε, διασχίζουμε, (για χρόνο) περνάμε	διαβαίνω
έκλωσεν	γύρισε, έστρεψε
έν’	είναι
εξέρομε	ξέρουμε
έρθαμ’	ήρθαμε
ευτάμε	κάνουμε, φτιάχνουμε	εὐθειάζω
έχ̌’	έχει
’κ’	δεν	οὐκί<οὐχί
κερδί͜εις	κερδίζεις
’κι	δεν	οὐκί<οὐχί
κρεμόν	γκρεμό
’ξέρτς	(εξέρτς) ξέρεις
όλ’	όλοι/α
οπίσ’	πίσω
πέτε	(προστ.) πείτε
πολλά	(επίθ.) πολλά, (επίρρ.) πολύ
φεύομε	φεύγουμε
χάσαι	χάνεσαι